• मंत्रिमंडळाच्या नियुक्ती समितीमार्फत स्वामीनाथन जानकीरामन आणि अस्विनीकुमार तिवारी यांची स्टेट बँक ऑफ इंडियाचे (State Bank of India - SBI) नूतन व्यवस्थापकीय संचालक म्हणून नियुक्ती करण्यास ३ वर्षांच्या कालावधीसाठी मान्यता देण्यात आली आहे.

ठळक मुद्दे

  • यापूर्वी स्वामीनाथन जानकीरामन SBI चे उपव्यवस्थापकीय संचालक (फायनान्स) म्हणून तर अस्विनीकुमार तिवारी हे SBI कार्डचे व्यवस्थापकीय संचालक आणिमुख्य कार्यकारी अधिकारी म्हणून कार्यरत होते.

  • सध्या SBI मध्ये अध्यक्ष आणि ४ व्यवस्थापकीय संचालक कार्यरत आहेत.

  • दिनेश कुमार खारा हे बँकेच्या विद्यमान अध्यक्षपदावर कार्यरत आहेत.

  • सी. एस. सेट्टी आणि अश्वनी भाटिया हे बँकेचे अन्य २ व्यवस्थापकीय संचालक आहेत.

  • ऑक्टोबर २०२० पासून ही दोन्ही पदे रिक्त होती.

SBI बाबत महत्वपूर्ण माहिती

  • अर्थ: SBI म्हणजेच State Bank of India अर्थात भारतीय स्टेट बँक होय.

  • अध्यक्षः दिनेश कुमार खारा हे सध्या स्टेट बँक ऑफ इंडियाच्या अध्यक्षपदावर विराजमान आहेत.

  • मुख्यालयाचे ठिकाण: मुंबई हे स्टेट बँक ऑफ इंडियाच्या मुख्यालयाचे ठिकाण आहे.

  • स्थापना वर्ष: १ जुलै १९५५ रोजी बँकेची स्थापना झाली होती.

  • संस्थेचे स्वरूप: सार्वजनिक क्षेत्र उपक्रमांतर्गत येणारी संस्था असे बँकेचे स्वरूप आहे.

  • सेवा प्रदान: बँकिंग व आर्थिक सेवा SBI मार्फत पुरवल्या जातात.