MyCurrentAffairs

माजी लोकसभा खासदार आणि बॉलिवूडमधील प्रसिद्ध अभिनेता परेश रावल यांची राष्ट्रपती श्री. रामनाथ कोविंद यांनी नॅशनल स्कूल ऑफ ड्रामाच्या (National School of Drama - NSD) नूतन अध्यक्षपदी नियुक्ती केली आहे.

ठळक मुद्दे

परेश रावल यांची ३ दशकांहून अधिक काळ चित्रपट कारकीर्द राहिली आहे.
१९९४ सालामध्ये त्यांना सर्वोत्कृष्ट सहायक अभिनेत्याचा राष्ट्रीय चित्रपट पुरस्कार प्राप्त झाला होता.
यासह अनेक पुरस्कारांनी त्यांना सन्मानित करण्यात आले आहे.
करमणूक जगतातील त्यांच्या योगदानाबद्दल २०१४ मध्ये त्यांना पद्मश्री पुरस्काराने सन्मानित करण्यात आले होते.
१९८५ सालच्या अर्जुन या चित्रपटाद्वारे परेश रावल यांनी चित्रपटसृष्टीत पदार्पण केले होते.
१९८६ सालच्या ब्लॉकबस्टर ठरलेल्या 'नाम' चित्रपटाच्या प्रसिद्धीनंतर त्यांना खरी ओळख प्राप्त झाली होती.

स्थापना वर्ष: १९५९ मध्ये संगीत नाटक अकादमीच्या विविध घटकांपैकी एक या स्वरूपात NSD ची स्थापना करण्यात आली होती.
ठिकाण: NSD नवी दिल्ली येथे आहे.
संचालक: सुरेश शर्मा हे सध्या NSD च्या संचालक पदावर कार्यरत आहेत.
स्वायत्त दर्जा प्राप्त वर्ष: १९७५ मध्ये NSD ला स्वतंत्र अस्तित्व प्राप्त झाले आणि स्वायत्त संस्था म्हणून नोंदणी करण्यात आली होती.
वैशिष्ट्यपूर्ण बाब: नॅशनल स्कूल ऑफ ड्रामा ही जगातील एक आघाडीची नाट्य प्रशिक्षण संस्था म्हणून प्रसिद्ध आहे. भारतात अशा प्रकारची ही एकमेव संस्था आहे.