• 'जागतिक फार्मसिस्ट दिन (World Pharmacist Day)' दरवर्षी २५ सप्टेंबर रोजी जागतिक स्तरावर साजरा करण्यात येतो.

ठळक मुद्दे

  • लोकांचे आरोग्य सुधारण्याबाबत असणाऱ्या फार्मसिस्टच्या भूमिकेविषयी जनजागृती निर्माण करण्यासाठी हा दिवस साजरा केला जातो.

  • सदर दिवस हा आंतरराष्ट्रीय औषधनिर्माण महासंघ (International Pharmaceutical Federation - FIP) आणि या संस्थेच्या परिषदेचा एकत्रित स्वरूपाचा पुढाकार आहे.

  • 'जागतिक आरोग्याचे रूपांतरण (Transforming Global Health)' ही सदर दिवसाची २०२० सालाची थीम आहे.

  • सदर दिवस प्रथमतः २००९ सालामध्ये नेमण्यात आला होता.

आंतरराष्ट्रीय औषधनिर्माण महासंघाबाबत (FIP) महत्वपूर्ण माहिती

  • अर्थ: FIP म्हणजेच International Pharmaceutical Federation अर्थात आंतरराष्ट्रीय औषधनिर्माण महासंघ होय.

  • मुख्यालयाचे ठिकाण: हेग, नेदरलँड्स हे FIP च्या मुख्यालयाचे ठिकाण आहे.

  • स्थापना वर्ष: २५ सप्टेंबर १९१२ रोजी आंतरराष्ट्रीय औषधनिर्माण महासंघाची स्थापना झाली होती.

  • अध्यक्ष: डोमिनिक जॉर्डन हे सध्या FIP च्या अध्यक्ष पदावर आहेत .