MyCurrentAffairs

संयुक्त राष्ट्र पर्यावरण कार्यक्रमद्वारे (United Nations Environment Programme - UNEP) संयुक्त राष्ट्रसंघाचा सर्वोच्च पर्यावरण सन्मान असणाऱ्या 'चॅम्पियन्स ऑफ द अर्थ पुरस्कार (Champions of the Earth Award) २०२०' श्रेणीतील ६ पुरस्कार विजेते जाहीर करण्यात आले आहेत.

ठळक मुद्दे

संपूर्ण ग्रह आणि लोकांच्या कल्याणासाठी धाडसी आणि निर्णायक कृतीतून चांगला परिणाम घडवणाऱ्या तसेच उल्लेखनीय नेतृत्त्व दर्शवणाऱ्या चॅम्पियन्सची या पुरस्कारासाठी निवड करण्यात आली आहे.

फ्रँक बाणीमारमा (पंतप्रधान, फिजी) याना हा पुरस्कार जाहीर झाला आहे.
जागतिक पातळीवरील हवामान कृती कार्य तसेच हवामान-उत्तरदायी राष्ट्रीय विकासाबाबतच्या वचनबद्धतेबद्दल त्यांना हा पुरस्कार प्रदान करण्यात आला आहे.

याकोबा सावडोगो (बुर्किना फासो) यांना हा पुरस्कार जाहीर झाला आहे.
मातीचे पुनर्जनन व नापीक जमीन शेतीयोग्य करणे तसेच आफ्रिकेच्या जंगलात पारंपारिक निसर्गाधारित उपाय इ.बद्दल त्यांना या पुरस्काराने सन्मानित करण्यात आले आहे.

डॉ. फॅबियन लेन्डरत्झ (जर्मनी) यांना हा पुरस्कार जाहीर झाला आहे.
झुनोटिकमधील शोध तसेच 'वन हेल्थ'मधील त्यांच्या कार्याबद्दल त्यांना या पुरस्काराने सन्मानित करण्यात आले आहे.

मिंडी ल्यूबर (यूएसए) यांना हा पुरस्कार जाहीर झाला आहे.
गुंतवणूकदार आणि कंपन्यांना एकत्रित करून हवामानातील कृती आणि शाश्वतता यासाठी भांडवल बाजारपेठेला हरित करण्याच्या प्रतिबद्धतेबद्दल त्यांना या पुरस्काराने सन्मानित करण्यात आले आहे.

प्रो. रॉबर्ट डी. बुलार्ड (यूएसए) यांना हा पुरस्कार जाहीर झाला आहे.
पर्यावरणविषयक न्यायाची वचनबद्धता तसेच सेवा दिल्याबद्दल त्यांना जीवनगौरव पुरस्काराने गौरविण्यात आले आहे.

पुरस्कार सुरुवात: संयुक्त राष्ट्र पर्यावरण कार्यक्रमद्वारे (UNEP) २००५ पासून सदर पुरस्कार प्रदान करण्यात येतो.
पुरस्कार उद्देश: लोकांना निसर्गासाठी कार्य करण्यासाठी प्रेरित करणे हा या पुरस्काराचा मुख्य उद्देश आहे.
पुरस्कार वैशिष्ट्य: नैसर्गिक आणि मानवनिर्मित धोक्यांमुळे पर्यावरणाची होणारी हानी लक्षात घेऊन ग्रहांचे आरोग्य सुधारण्यासाठी पुढाकार घेणार्‍या सार्वजनिक, खासगी क्षेत्रातील तसेच समाजातील पर्यावरण नेत्यांना सदर पुरस्कार देण्यात येतो.